Աբրամովիչի ընկերուհուն մեղադրել են ռասիզմի մեջIlur.am-ը գրում է.

Ռուսաստանցի հայտնի միլիարդատեր Ռոման Աբրամովիչի ընկերուհի Դարյա Ժուկովան բլոգերների կողմից գրոհի է ենթարկվել այն բանից հետո, երբ  նրա  հարցազրույցը նորաձևության և մշակութային  Buro 24/7 ինտերնետ-կայքում  ուղեկցվել է  նրա «ցնցող» լուսանկարով: Չափազանց արտառոց դիզայնով բազկաթոռը, որի վրա անկաշկանդ նստած է Ժուկովան, իրենից ներկայացնում է  ոտքերը վեր բաձրացրած ու մեջքի վրա պառկած, կիսամերկ սևամորթ կին:

Սկանդալային լուսանկարին ուշադրություն են դարձրել նաև արտասահմանում: Այսպես, նորաձևության  կայքի խմբագիր Քլեր Սալմերսը նշել է, որ լուսանկարը ստորացնում է սևամորթ կանանց արժանապատվությունը և ցուցադրում սպիտակ ռասայի առավելությունը: Սալմերսը կոչ է արել դադարեցնել ռասիզմը նորաձևության աշխարհում և մշակույթի բնագավառում:

Իրավիճակը բարդացրել է նաև այն, որ լուսանկարը համացանցում է հայտնվել հունվարի 20-ին՝  ԱՄՆ-ում սևամորթների քաղաքացիական իրավունքների պայքարի առաջնորդ Մարտին Լյութեր Քինգի օրը, որն ամերիկացիները  ամեն տարի նշում են հունվարի երրորդ երկուշաբթի:

Ժուկովան ինքն առայժմ ոչ մի կերպ չի մեկնաբանել սկանդալը:

Հիշեցնենք, որ Աբրամովիչի ընկերուհին «Գարաժ» ժամանակակից մշակույթի կենտրոնի տնօրենն է, Kova&T ընկերության համասեփականատերն ու դիզայները: Ժուկովան և Աբրամովիչը երկու երեխա ունեն՝ որդի և դուստր, փոխանցում է newsru.com-ը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել