Կազմակերպված անպատասխանատվություն:
Այս բառակապակցությունը բացատրեմ օրինակների վրա:
Եթե ճանապարհները ոչ անցանելի են առատ ձյան պատճառով, ապա մեղավորը ոչ թե սպասարկման պատասխանատուներն են կամ այդ ժամանակ այդ ճանապարհներով երթևեկողները, այլ ձյունը:
Եթե ճանապարհները, այնուամենայնիվ, անցանելի են, սակայն առկա է տեղ-տեղ մերկասառույց, ապա մեղավորը եղանակն է ու հենց այդ սառույցը` իրեն ո՞վ է խնդրել որ սառչի:
Եթե ամբողջ մի թաղամասի ջրատար խողովակները վնասվում են, բնակիչները մեղադրում են պատկան կազմակերպությանը, իսկ կազմակերպությունը` բնակիչներին, ապա մեղավորը ոչ մեկն է, ոչ էլ մյուսը. մեղավորը խողովակներն են:
Եթե հետտոնական ժամանակահատվածում թաղամասերում կուտակված են աղբի սարեր, ու այն չի ենթարկվում աղբահանության, ապա ո՛չ բնակիչներն են մեղավոր, ո՛չ էլ կոմունալը. մեղավորը աղբն է:
Եթե քաղաքային տրանսպորտը վատ է աշխատում, ապա մեղավորը եղանակն է, «գրողը տանի»:
