Լոնդոնաբնակ ճապոնացի լուսանկարչուհի Չինո Օտսուկան իր անցյալը ուսումնասիրելու հետաքրքիր մոտեցում է ցուցաբերել: Նա «Պատկերացրու ինձ գտնելիս» իր ֆոտոնախագծի լուսանկարների շարքում ճանապարհորդում է ժամանակի մեջ` այժմյան իր լուսանկարը տեղադրելով իր մանկության լուսանկարներում, որը ստիպում է երևակայել, թե ինչ կլիներ, եթե արդեն մեծահասակ տարիքում մարդ կարողանար հանդիպել իր մանկության եսին:
Համակարգչային թվային ծրագրերով փոփոխության ենթարկված լուսանկարները մեծ պրոֆեսիոնալությամբ են արված ու համոզիչ են: Լուսանկարչուհին կարողացել է հրաշալի համադրել գույներն ու լուսավորությունը՝ պահպանելով հին լուսանկարների որակն ու տեսքը:
Լուսանկարչուհին նշել է, որ թվային այս հնարքներն ասես ժամանակի մեքենա լինեն, որոնք թույլ են տալիս իրեն ճանապարհորդել իր անցյալ ու նույնիսկ զբոսաշրջիկ զգալ իրեն՝ իր իսկ կյանքի պատմության մեջ:
