Panorama.am-ը գրում է.
Հայաստանի արդարադատության նախարարությունը շրջանառությունից հանել է ««Փաստաբանության մասին» Հայաստանի Հանրապետության օրենքում փոփոխություններ և լրացումներ կատարելու մասին» ՀՀ օրենքի և ««Պետական տուրքի մասին» Հայաստանի Հանրապետության օրենքում լրացումներ կատարելու մասին» ՀՀ օրենքի նախագծերը, որոնցով փաստաբանների ռեեստր վարելու լիազորությունը վերապահվելու էր ՀՀ արդարադատության նախարարությանը և սահմանվելու էր փաստաբանի համար յուրաքանչյուր տարի 60.000 ՀՀ դրամ պետական տուրք վճարելու պարտականություն։ Այդ մասին Panorama.am-ին տեղեկացրել է ՀՀ Փաստաբանների պալատի նախագահ Արա Զոհրաբյանը:
«Ցանկանում եմ շնորհակալություն հայտնել մեր փաստաբաններին այդ խնդրի լուծման կապակցությամբ սկզբունքային վերաբերմունք դրսևորելու և ակտիվ մասնակցության համար։ Ցանկանում եմ շնորհակալություն հայտնել ՀՀ արդարադատության նախարար պարոն Հրայր Թովմասյանին և բոլոր այն բարձրաստիճան պաշտոնատար անձանց, ովքեր կառուցողական քննարկումների արդյունքում հարգեցին և կարևորեցին փաստաբանի անկախությունը», -ասել է ՓՊ նախագահը:
Ամբողջական հոդվածը կարող եք կարդալ այստեղ
