1in.am-ը գրում է.

Հինգշաբթի Գերմանիայի Քյոլն քաղաքում այրվել է քիմիկատների պահուստ: Արտակարգ դեպքի հետևանքով տուժածներ չկան՝ հաղորդում է «Կոմսոմոլսկայա պրավդա»-ն:

Փրկարար ծառայություններին և հրշեջներին հաջողվել է մարել կրակը Shell նավթավերամշակման գործարանում, որը տեղակայված է Քյոլնում: 

Չհաստատված տեղեկատվության համաձայն՝ հրդեհից առաջ գործարանում պայթյուն է որոտացել: Վթարի պատճառով մոտակա տների բնակիչներին խնդրել են փակել դռները և պատուհանները:

Համացանցում հայտնված լուսանկարներում երևում է, որ սև ծխի քուլաները բարձրանում են մի քանի կիլոմետր: Ընկերության ներկայացուցչի խոսքերով՝ գործարանի թունավոր նյութերը մթնոլորտ չեն արտանետվել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել