1in.am-ը գրում է.

ԱՄՆ Կոլորադո նահանգի Վեյլ քաղաքի մոտ ձնահոսքի հետևանքով զոհվել է մեկ մարդ: Ինչպես հաղորդում է ITAR-TASS-ը՝ վկայակոչելով փրկարարական ծառայությունների ներկայացուցիչներին, երեքշաբթի ձնահոսքը ծածկել է 24-ամյա Էնտոնի Սայբերտին, երբ վերջինս դահուկներով սահել է Վեյլի մոտ տեղակայված լեռնադահուկային հանգստավայրում, որը ԱՄՆ-ում ամենամեծերից և հայտնիներից մեկն է:

Համալիրը հիմնադրվել է 1960-ական թվականներին զոհվածի պապի՝ Երկրորդ աշխարհամարտի վետերան, հայտնի դահուկորդ Փիթեր Սայբերտի կողմից: 

Տուժել է ևս երեք մարդ, սակայն փրկարարները կարողացել են նրանց առաջին օգնություն ցույց տալ: Նրանց կյանքին ոչինչ չի սպառնում: 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել