1in.am-ը գրում է.
Ռուսաստանի նախագահ Վլադիմիր Պուտինը օրենք է ստորագրել, համաձայն որի՝ Ռուսաստանը մասնատելու հրապարակային կոչեր հնչեցնողները կդատապարտվեն հինգ տարվա ազատազրկման՝ գրում է «ՌԻԱ Նովոստին»:
Ավելի վաղ համապատասխան օրինագիծն առաջին ընթերցմամբ ընդունվել էր Պետդումայում: Օրինագիծը հեղինակել էին Ռուսաստանի կոմունիստական կուսակցության պատգամավորները:
Օրենքը Քրեական օրենսգիրքը լրացնում է նոր հոդվածով, որը «Տարածքային ամբողջականությանը խախտելուն ուղղված հրապարակային կոչերի համար» պատասխանատվություն է նախատեսում:
Անջատողականության կոչերի համար նախատեսված է մինչև 300 հազար ռուբլի տուգանք, մինչև 300 ժամ պարտադիր աշխատանք կամ մինչև երեք տարվա ազատազրկում: Եթե կոչերն արվել են ԶԼՄ-ների, այդ թվում՝ ինտերնետի միջոցով, օրինախախտը կարող է դատապարտվել մինչև հինգ տարվա ազատազրկման:
Փաստաթուղթը պաշտոնապես ուժի մեջ կմտնի երկուշաբթի:
