Հոգեբանական թեստ. Կյանքի կարևոր որոշումները

Պատասխանելով ստորև ներկայացվող հարցերին և պարզիր՝ ինչպես ես կարևոր որոշումներ կայացնում: 

1. Զբոսնում ես ու հանկարծ ճանապարհին արկղ ես տեսնում, մոտենում ես, բացում, ի՞նչ ես տեսնում:

2. Եթե հնարավորություն ունենայիր քո ամբողջ կյանքն ապրելու մի վայրում, որտե՞ղ կլիներ դա:

3. Երկար ժամանակ անապատում մոլորված քայլում ես ու հանկարծ հեռվում գյուղ ես տեսնում, իսկ մյուս կողմում օազիս ես նկատում, ո՞ւր կգնաս` գյո՞ւղ, թե օազիս:

4. Ի՞նչ կանեիր, եթե հանկարծ ամեն ինչ կորցնեիր:

5. Վաղը կիրակի է: Ի՞նչ ես պատրաստվում անել:

6. Եթե դժվարին կացության մեջ հայտնվես, ո՞ւմ կդիմես օգնության համար:

7. Ո՞ր տարիքում կցանկանայիր հավերժ մնալ:

8. Եթե իմանայիր, որ ընդամենը 24 ժամ ունես ապրելու,  ինչպե՞ս կվարվեիր, ինչպե՞ս կապրեիր այդ 24 ժամը:

9. Եթե հնարավորություն ունենայիր միայն մեկ բան փրկել հրդեհից, ի՞նչը կլիներ դա:

Պատասխանները`

1. Ձեր պատասխանը արտացոլում է ձեր վերաբերմունքը անսպասելի հանգամանքներում հաջողությանը կամ ճակատագրին: 

Եթե արկղում արժեք չունեցող ինչ-որ իր եք տեսել՝ նշանակում է, որ կարծում եք, թե հաջողությունը ձեզ համար չէ:
Եթե թանկարժեք ինչ-որ բան եք պատկերացրել, ապա հավատացած եք, որ մի օր մեծ հաջողությունների եք հասնելու:
Եթե ոչինչ չկա արկղում՝ նշանակում է՝ դուք հաջողությանը չեք հավատում, այլ կարծում եք, որ ամեն ինչ կախված է մարդու քայլերից:

2. Եթե դուք ընտրեք ապրել այնտեղ, որտեղ այժմ եք ապրում, նշանակում է, դուք ձեզ հարմարավետ եք զգում ու գոհ եք ձեր կյանքից: Եթե նախընտրում եք ապրել ինչ-որ հեռու մի տեղ` երազկոտ եք ու ռոմանտիկ:
Եթե չեք կարողանում որոշել, թե որտեղ կցանկանայիք ապրել՝ նշանակում է՝ ոչնչից կապվածություն չունեք:

3. Ձեր պատասխանն արտացոլում է ձեր անձնական վերաբերմունքը աշխատանքին: Եթե ընտրեք օազիսը՝ նշանակում է՝ դուք մարդկանց այն տեսակին եք պատկանում, ովքեր նախընտրում են սկզբում հանգստանալ, իսկ հետո անցնել աշխատանքին: Չեք սիրում կանոններն ու հսկողությունները ու երբեմն կարող եք բռնկուն լինել: Դուք անընդհատ հետաձգում եք ձեր անելիքներն ու սիրում եք միանգամից մի քանի բանով զբաղվել:

Եթե գյուղն եք ընտրում՝ նշանակում է՝ սիրում եք կյանքում պատասխանատվություն վերցնել ձեզ վրա: Գիտեք` ինչպես արդյունավետ օգտագործել ձեր ժամանակը ու ձեր օրը խնամքով եք պլանավորում: Դուք ավելի շատ ցանկանում եք ավարտել գործը, քան սկսել այն: Վերջնաժամկետներին բավականին լուրջ եք վերաբերվում:

4. Եթե դուք ամեն ինչ նորից սկսեք, ապա այն մարդկանցից եք, ովքեր պատասխանատվություն են վերցնում իրենց արարքների համար ու հենց այսպես չեն արձագանքում կյանքում հանդիպած հանգամանքներին կամ ենթարկվում դրանց:

5. Ձեր պատասխանն արտացոլում է ձեր ծախսելու սովորությունները: Կիրակին այն օրն է, որը ազատ եք օգտագործելու այնպես, ինչպես կկամենաք:

Եթե ընտրում եք տանը մնալ՝ նշանակում է՝ հնարավորինս քիչ եք ծախսում: Եթե որոշում եք դուրս գալ գնումների՝ դուք սովորաբար ծախսում եք մինչև վերջին լուման: Եթե որոշում եք սպորտով զբաղվել՝ նշանակում է՝ սիրում եք խնայել դժվարին օրվա համար: Եթե դուրս եք գալիս զբոսանքի՝ նշանակում է՝ ձեր գումարը բավականին զգուշությամբ եք ծախսում:

6. Եթե դուք որոշում եք ինքնուրույն հաղթահարել խնդիրները՝ նշանակում է՝ ինքնավստահ եք ու ուժեղ բնավորություն ունեք: Եթե ընկերներին կամ հարազատներին եք դիմում, ապա փոքր-ինչ անվստահ եք ու բարդ իրավիճակներում դժվարությամբ եք պատասխանատվություն վերցնում խնդիրներն ինքնուրույն հաղթահարելու համար: Նրանք, ովքեր դժվարին կացության մեջ կդիմեն իրավաբանի կամ մասնագետի օգնությանը, ռեալիստ են:

7. Այն տարիքը, որը դուք ընտրել եք, սովորաբար խորհրդանշում է այն ժամանակահատվածը, երբ առավել երջանիկ էիք ու ինքնավստահ: Նրանք, ովքեր նախընտրում են վերադառնալ իրենց մանկություն, նշանակում է՝ ցանկանում են վերադառնալ այն ժամանակահատված, երբ նրանք պատասխանատվություն չէին կրում: Նրանք, ովքեր նախընտրում են իրենց ներկա տարիքը, հասուն բնավորություն ունեն ու հաջողակ են: 40-ն անց մարդիկ հիմնականում իրենց տարիքից 10 տարի ավելի երիտասարդ տարիք են ընտրում:

8. Եթե ընտրում եք ձեր ժամանակը ընկերների ու ընտանիքի հետ անցկացնելը, ապա զգացմունքային եք: Եթե նախընտրում եք մենակ մնալ՝ նշանակում է՝ հաճախ եք փոխում ձեր տրամադրությունն ու այնքան էլ շփվող չեք:
Եթե նախընտրում եք խնջույքների մասնակցել ու ուրախանալ՝ նշանակում է՝ ընդունում եք կյանքն այնպես, ինչպես այն կա:
Եթե որոշեք ամեն ինչ թաքցնել, ու ձեր օրն անցկացնել սովորականի պես, քաջ եք ու գործնական:

Ներքևում թողեք ձեր մեկնաբանությունները, թե որքանով էր այս թեստը ճիշտ: