1in.am-ը գրում է.

Գերմանիայի նախագահ Յոախիմ Գաուկի որոշումը՝ ձմեռային Օլիմպիական խաղերին Սոչի այցը չեղյալ հայտարարելու մասին, բացասական արձագանքի է արժանացել կանցլեր Անգելա Մերկելի կողմից:

Մերկելը Գաուկի որոշման մասին իմացել է ԶԼՄ-ներից՝ գրում է Der Spiegel-ը:

Նախագահը չի ներկայացրել պաշտոնական պարզաբանումներ, սակայն կանցլերի գրասենյակն այս քայլն անմիջապես գնահատել է որպես բողոք ընդդեմ Պուտինի քաղաքականության և Ռուսաստանում մարդու իրավունքների խախտումների:

Մերկելին զայրացրել է այն փաստը, որ այցը չեղյալ հայտարարելու մասին իրեն անձամբ տեղյակ չեն պահել: Գերմանական ԶԼՄ-ները դրանում տեսնում են նախագահի աշխատակազմի դանդաղկոտությունն ու հեռատեսության պակասը, այլ ոչ թե նախագահի անձնական վերաբերմունքը կանցլերի հանդեպ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել