Ձմեռը միայն սառնություն և ցուրտ չի խորհրդանշում: Ձմեռը կարելի է իրական հեքիաթի վերածել, եթե կազմակերպես անմոռանալի հարսանիք, որը կջերմացնի ինչպես նորապսակներին, այնպես էլ հյուրերին: Ահա, հենց այդ մտքով էլ Հարսանիք բլոգը որոշեց ձեզ ներկայացնել ձմեռային հարսանիքի մի քանի օրիգինալ լուծումներ, որոնք կարող եք օգտագործել, և անմոռանալի հեքիաթ ստանալ:
Ձմեռային հեքիաթ-հարսանիք
Ձմեռային հարսանիք ամենամեծ առավելությունը: Քանի որ այս եղանակին հարսանիքների թվաքանակը կրճատվում է` ձեր հերթը ԶԱԳՍ-ում շուտ կհասնի և, դուք կկարողանանք Ձեր ամուսնությունը կնքել այն օրը, երբ ցանկանում եք:
Առավելություններից է այն, որ կրկին հարսանիքների սակավության հետ կապված, դուք հարսանյաց հանդեսի արարողությունը անցկացնելու վայրի ընտրության խնդիր չեք ունենա: Բացի այդ այս շրջանում դուք հարսանիքի կազմակերպիչների, տեխնիկական մասը ապահովողների հետ հեշտությամբ կարող եք համաձայնության գալ, քանի որ նրանց աշխատանքային գրաֆիկը նույնպես թեթև է լինում:
Նորապսակների հագուստը, բնականաբար, նույնպես պետք է հարմարեցված լինի այս սեզոնին:
Բարդություններ են առաջանում սեղանների, ճաշկերույթի համար անհրաժեշտ պարագանների ձեռքբերման հետ, քանի որ նախ գներն են շատ թանկ, երկրորդն էլ` շատ բաներ շուկայում ներկայացված չի լինում, կամ սակավ է լինում` մրգեր, բանջարեղեն:
Հին ժամանակներում հարսանիքների անցկացման լավագույն ժամանակը համարվել է ձմեռը: Դա կարող է լինել այն պատճառով, որ ձմռանը շուրջբոլորը հրաշալի տեսարան է լինում` հեքիաթային ձյուն, ծառի գագաթները` «փափկաձյուն»… Ռոմանտիկ է…
Ձմեռային հարսանիքի սցենարները կարող են շատ տարբեր լինել, սակայն առավել տարածված են երկու ոճի հարսանիքներ` սառցե արքայության ոճով, երբ շարունակվում է սառնաշունչ ձմռան թեմատիկան, և կարելի է ստեղծել ջերմ և հարմարավետ մթնոլորտ, որը կհակադրվի ձմռան ցրտին:
Այս երկու ուղղությունները պահանջում են բացարձակ տարբեր մոտեցումներ, տարբեր աքսեսուարներ, դիմահարդարում, մենյու և այլն:
Եթե օրինակի համար պլանավորում ենք առաջին` ձմեռային սառնության թեմատիկան շարունակող ոճի հարսանիք, ապա դա չի նշանակում, որ հյուրերը դատապարտված են սառչելու: Դա նշանակում է, որ ձմեռը պետք է դառնա հարսանեկան գլխավոր աքսեսուարը, սրահի ձևավորման համար կօգտագործվեն սառը գույներ` սպիտակ փաթիլներ, դեկորատիվ սառցաբեկորներ, սպիտակը կհամադրվի աչժաթագույնի հետ, կօգտագործվի հախճապակի և այլն:
Այդպիսի հարսանիքին հարսի կերպարը կարող է լինել սառը և խիստ: Դիմահարդարման համար կարելի է ընտրել սառը գույներ: Հիանալի կնայվի արծաթագույնը:
Սառցային դեկորների մեջ կարելի է ներառել նաև մորթյա հագուստ, երկար կամ կարճ ձեռնոց: Ծաղկեփունջը կարող է լինել սպիտակ կամ վարդագույն վարդերից: Կոշիկը կարող է լինել փակ, մորթյա, երկարաճիտք:
Հարսի աքսեսուարները կարող են աչքի ընկնել փայլով և հիացնել իրենց ճերմակությամբ: Հրաշալի կնայվեն թագերը, փաթիլները, մարգարիտը:
Այսքանը ձմեռային հարսանիքի սառցե թեմայի շուրջ: Իսկ վերը հիշատակված երկրորդ` «ջերմ» սցենարով գրված հարսանիքի մասին կխոսենք ավելի ուշ:
