Վալենսիան Իսպանիայի երրորդ ամենամեծ քաղաքն է, աչքի է ընկնում ժամանակակից ճարտարապետական լուծումներով ու առանձնահատուկ գեղեցկությամբ: Այն բավականին շահեկան դիրքում` Միջերկրական ծովի ափամերձ հատվածում: Այս քաղաքում զբոսաշրջային այցելությունների պակաս չի զգացվում:
Անհերքելի է, որ Փարիզն աշխարհի ամենագեղեցիկ քաղաքներից է: Այդ գեղեցկությունը աչքի է զարնում Փարիզի յուրաքանչյուր անկյունում: Այստեղ են գտնվում հայտնի Էյֆելյան աշտարակը, ինչպես նաև աշխարհի լավագույն թանգարաններից մի քանիսը:
Լոնդոնի գեղեցկության գաղտնիքը թաքնված է քաղաքի բազմազանության մեջ: Այնտեղի ժամանակակից ճարտարապետական հրաշքների կողքին վեր են խոյանում այնպիսի հինավուրց կոթողներ, ինչպիսիք են Թաուեր աշտարակը, Թաուեր կամուրջը և գոթական ոճով կառուցված Վեստմինստերյան պալատը:
Մալյորկա կղզու հարավային ափին տեղակայված Պալմա դե Մալյորկա քաղաքը ամեն տարի միլիոնավոր այցելուների է գրավում: Զբոսաշրջիկները գալիս են այս սքանչելի քաղաք` ծովափի տաք ավազներին պառկած արևայրուք ընդունելու, բացօթյա սրճարաններից անցուդարձին հետևելու, գոթական ոճով կառուցված մայր տաճարի աննման գեղեցկությամբ զմայլվելու, քաղաքի փողոցներում զբոսնելու:
Լատվիայի մայրաքաղաք Ռիգան Եվրոպայի ամենագեղեցիկ քաղաքներից մեկն է: Լատվիան ընկած է Ֆինլանդիայից դեպի հարավ` Արևմտյան Դվինա գետի մոտակայքում:
2014 թ.-ին մշակույթի եվրոպական մայրաքաղաք հռչակված այս քաղաքը նոր-նոր է սկսում գրավել զբոսաշրջիկների ուշադրությունը: Այս քաղաքը ընդգրկվել է համաշխարհային ժառանգության ցուցակում և համարվում է մշակութային կենտրոն:
Ռիգան նաև անվանում են «Արևելքի Փարիզ», քանի որ այն հինավուրց պատմական քաղաք է, որն առանձնանում է իր մոդեռն ոճի շինություններով, երկնասլաց եկեղեցիներով և երփներանգ տներով:
Մայրամուտին, երբ նշմարվում են կտուրների, զանգակատների ու փոքրիկ աշտարակներըժի նրբին ուրվագծերը, քաղաքում գողտրիկ տեսարաններ են բացվում:
Բերգենը Եվրոպայի երկրորդ ամենամեծ քաղաքն է: Այն շրջապատված է սքանչելի ժայռերով ու ծովածոցերով: Այս գեղատեսիլ քաղաքի Վագեն նավահանգիստը շրջապատված է գույնզգույն փայտե տնակներով:
Բերգենի երփներանգ ճարտարապետական շինությունները գեղեցիկ հակադրության մեջ են մտնում Նորվեգիայի կապույտ ամպերի հետ:
Մենք չէինք կարող այս ցանկում չներառել Դուբրովնիկը, քանի որ այն Եվրոպայի ամենագեղեցիկ քաղաքներից է:
Չեսթեր քաղաքում վեր են խոյանում Վիկտորիայի և Թյուդորների ժամանակաշրջանի ոճով կառուցված հոյակերտ շինություններ: Այս քաղաքը հիանալի վայր է գնումներ կատարելու համար, քանզի այստեղ բազում խանութներ կան:
Եվրոպայի «Ոսկե քաղաք» Պրահան ռոմանտիկ վայր է: Այստեղի հինավուրց շենքերը, բանուկ հրապարակները անտարբեր չեն թողնի ոչ մեկին: Այս շենքերում միահյուսված են գոթական և մոդեռն ճարտարապետական ոճերը:
Բուդապեշտն աչքի է ընկնում իր ընդարձակ ամրոցներով, բարոկկո ոճի հուշարձաններով և գոթական ոճի տաճարներով: Այստեղ կան նաև մոդեռն և նեոդասական որոշ շինություններ: