Ժամանակը կհաստատի, որ Ուկրաինայի կառավարությունը ճիշտ վարվեց. Ազարով

1in.am-ը գրում է.

Ուկրաինայի վարչապետ Նիկոլայ Ազարովը հայտարարել է, որ ԵՄ-ին ասոցացման մասին համաձայնագիրը ստորագրելուց հրաժարվելը ստիպված միջոց է եղել:

«Եվս մեկ անգամ ասում եմ, որ որոշումը ստիպված էր, մենք այլ ելք չունեինք, և ժամանակն, անխոս, կապացուցի, որ մենք ճիշտ ենք վարվում»,- Facebook-ի իր էջում գրել է Ազարովը:

Նրա խոսքով՝ Կիևում և այլ քաղաքներում ցույցեր էին անցկացվում հօգուտ ԵՄ-ի հետ համաձայնության, սակայն շատ ելույթներ են եղել նաև հօգուտ կառավարության որոշման:

«Եվ սոցիոլոգիական հարցումների վերջին տվյալներով՝ կարծիքները բաժանվել են մոտավորապես կես-կես: Եվ սա պետք է նկատի ունենալ, երբ ԶԼՄ-ներում արծարծվում է կառավարության որոշմանն իբր 100 % դեմ լինելու թեզը»,- Ազարովի խոսքերը մեջբերում է INTERFAX-ը: