1in.am-ը գրում է.
Ուկրաինայի վարչապետ Նիկոլայ Ազարովը հայտարարել է, որ ԵՄ-ն Ուկրաինային ասոցացման համար 1 մլրդ եվրոյի չափով վարկ է առաջարկել, որը կտրամադրվի 7 տարվա ընթացքում: Այս մասին փոխանցում է RIA Novosti-ն:
«Տպավորիչ թիվ է, չէ՞»,- ասել է վարչապետը:
Ազարովի խոսքով՝ ինքը երբեք հաշվի չի առել վարկի տվյալները, քանի որ ԵՄ-ի հետ Ուկրաինայի նորմալ ինտեգրման համար անհրաժեշտ է 160-165 մլրդ եվրո:
Ազարովը հայտարարել է, որ հրաժարական կտա, եթե ապացուցվի եվրաինտեգրման դադարեցման անհաջողությունը:
«Մեկ ամիս է անցնում, երկու ամիս է անցնում, իրավիճակը շարունակում է վատթարանալ, սակայն օգնություն չկա»,- ԱՄՀ-ի ու ԵՄ-ի հետ փոխհարաբերություններն է նկարագրել Ազարովը:
Նա հայտարարել է, որ առաջարկել է Եվրոպային վճարել ուկրաինացի ժողովրդին այն 20 մլրդ դոլարը, որը նա գերվճարել է Ռուսաստանին գազի համար: Նրա խոսքով՝ եթե Եվրոպան կարծում է, որ Ուկրաինայի նախկին վարչապետ Յուլյա Տիմոշենկոն ամեն ինչ ճիշտ է արել, թող պատրաստակամություն հայտնի մարելու այդ պարտքը: