1in.am-ը գրում է.

Պակիստանի նախկին նախագահ Պերվես Մուշարաֆը գրեթե կես տարի տնային կալանքի տակ անցկացնելուց հետո ազատ է արձակվել: Այս մասին հայտնում է Associated Press-ը:

Մուշարաֆը մեղադրվում է 2007 թվականին իսլամիստ հոգևորական Աբդուլ Ռաշիդ Գազիի սպանության մեջ: Երկուշաբթի դատարանը փոխել է նրա նկատմամբ սահմանված խափանման միջոցը գրավով:

Այս գիշեր ոստիկանները լքել են Իսլամաբադի ծայրամասում գտնվող Մուշարաֆի տունը: Այժմ 70-ամյա քաղաքական գործիչը կարող է ազատ տեղաշարժվել Պակիստանով, սակայն սահմանը հատել չի կարող: Ոստիկանությունը միանգամից մի քանի քրեական գործ է քննում, որոնցով նա անցնում է որպես գործող անձ:

Մուշարաֆը տնային կալանքի էր ենթարկվել այն բանից հետո, երբ այս տարվա մարտին կամավոր հայրենիք էր վերադարձել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել