Վարդանանց փողոցի բնակարաններից մեկում հրդեհ է բռնկվել

Aysor.am-ը գրում է.

Այսօր առավոտյան՝ ժամը 07.22-ին ահազանգ է ստացվել, որ Երևանի Վարդանանց 14/1 շենքի 6-րդ հարկից ծուխ է նկատվում:

Դեպքի վայր են մեկնել երկու մարտական հաշվարկ, ՃԿԿ ԱԻ արձագանքման խումբը և ՀՓՋ-ի ավտոսանդուղքը: 
Պարզվել է, որ հրդեհը բռնկվել է Վարդանանց փողոցի թիվ 14/2 շենքի 27-րդ բնակարանում:

Հրդեհը մեկուսացվել է ժամը 07.33-ին, մարվել` 07.36-ին:
Խոհանոցում այրվել են ջեռուցման կաթսա, կահույք (մոտ 2 քմ) և կախովի առաստաղ (6 քմ):