Ինչպես գրել գործնական նամակ. Պրակտիկ խորհուրդներ մաս 2

Գրառման առաջին մասը կարող եք կարդալ այստեղ:

5. Յուրաքանչյուր նամակ ավելի հնչեղ է, եթե դիմում ենք անունով`

- Հարգելի  Գործընկեր

- Հարգելի Աննա

Եթե մենք օգտագործում ենք հարգելի Գործընկեր, ապա այս նամակը չունի կոնկրետ թիրախ ու հասցե, ով ցանկանա, կարող է կարդալ: Օրինակ, կարող է քարտուղարուհին բացի նամակը, կարդա, տեսնի, որ կոնկրետ հասցեատեր չունի, այդպես էլ փակի ու նամակը մնա չկարդացված: Իսկ եթե կոնկրետ հասցեագրված է Գարիկին, ապա ես դեռ չեմ տեսել մի աշխատացի, ով մի բաժնից մյուսին չասի, որ նամակ եք ստացել` «ֆորվարդ» եմ անում: Այսինքն, ուղարկելուց առաջ կոնկրետ իմացեք, թե ում եք ուղարկում և հավանակությունը կմեծանա, որ նամակը կընթերցվի և կունենաք պատասխան:

6. Հաջորդ մասը, որը ցանկանում եմ ներկայացնել, դա նամակում ներկայանալու ձևն է:

Հիշեք, որ առաջին դեմք, եզակի և հոգնակի թվերը` ես, մենք, ավելի վստահություն է ներշնչում, քան ընկերության անվանումը: Օրինակ`

- Հարգելի Կարեն

«Հիքս» ընկերությունն իրականացնելու է պրեզենտացիա և որպես Հայաստանի խոշորագույն ներմուծող ընկերության ղեկավար, հրավիրում է Ձեզ մասնակցել մեր կողմից կազմակերպված գործարարների երեկույթին:

- Հարգելի Կարեն

Իմ անունը Հասմիկ է, ով իրականացնում է «Հիքս» ընկերության PR արշավը: Որպես Հայաստանի խոշորագույն ներմուծող ընկերության ղեկավար, հրավիրում եմ Ձեզ մասնակցելու մեր կողմից կազմակերպված գործարարների երեկույթին:

Առաջին մասում անորոշություն է, մեծ ընկերության ղեկավարն անգամ չգիտի, թե ում հետ է կոնտակտ ապահովելու, դրա համար անվան կողմից հրավերը նախ վստահություն է ներշնչում, երկրորդ` կարևորություն է տալիս, քանի որ անհատապես են նամակ ուղարկել  և երրորդ` ղեկավարը գիտի, որ հետաքրքրության դեպքում ում հետ է կապ հաստատելու և հանդիպելու գործարար երեկույթին:

7. Որքան հնարավոր է հասցեատիրոջն ուղղորդեք դեպի Ձեր կարծիքը: Մարդկանց մեծ մասը, ընտրության առաջ կանգնելով, միշտ էլ հակված է մասնագետի կարծիքին, ուստի առաջարկում եմ օգտագործել այն: Նամակի մեջ կիրառեք նման արտահայտություններ`

- Որպես այս ոլորտում երեք տարի աշխատող մասնագետ, խորհուրդ եմ տալիս, որ …

- Իմ մասնագիտական փորձը ցույց է տվել, որ ամենաշահավետ տարբերակը …

Հիշեք, որ շատերն ուշադրություն են դարձնում մեծամասնության քայլերին`

- Մեզ են վստահում շուկայի առաջատար խաղորդները, որոնցից են` Օռանժը, Վիվա-Սելը,  Բիլայնը և նմանատիպ խոշոր ընկերություններ:

- Մեզ են վստահում արտասահմանյան այնպիսի բրենդներ, որոնցից են… ու թվարկում ենք

8. Շատ մեծ կարևորություն եմ տալիս նաև շահերի ներկայացման մասին, այսինքն` թե համագործակցությունը, կամ նոր առաջարկն ինչ կտա դիմացինիս, դրա համար ավելի լավ կլինի նամակագրության մեջ օգտագործել այս ձևը`

Համագործակցելով մեզ հետ, Դուք կունենաք `

1.
2.
3.

Ու կետերով նշեք, թե ինչ կստանա ընկերությունը համագործակցության ընթացքում: Պարտադիր կետերով ու իրար տակ: 

9. Գոյություն ունեն նաև բառեր, որոնք պարտադիր են գործնական նամակներում, ահա դրանցից մի քանիսը կներկայացնեմ`