1in.am-ը գրում է.
Սիրիայում պոլիոմելիտի բռնկման պատճառը Պակիստանից եկած ջիհադիստներն են: Ինչպես հաղորդում է Assoaciated Press-ը, այս մասին հայտարարել է երկրի սոցիալական քաղաքականության նախարար Քինդահ Ալ-Շամաթը:
Նա նշել է, որ կառավարությունը սկսում է պատվաստումներ՝ «Սիրիայում բոլոր երեխաներին պաշտպանելու համար»: Միևնույն ժամանակ նախարարը չի հստակեցրել, թե պատվաստումներն ինչպես կիրականացվեն այն տարածքներում, որոնք գտնվում են ապստամբների վերահսկողության տակ, որտեղ էլ գտնվում է վարակի օջախը:
Սունի ապստամբներին, որոնք Սիրիայում կռվում են Բաշար Ալ-Ասադի վարչակարգի դեմ, միացել են հազարավոր արտասահմանցի գրոհայիններ: Նրանց թվում են նաև իսլամիստներ Պակիստանից:
Օրերս Առողջապահության համաշխարհային կազմակերպությունը լաբորատոր անալիզների միջոցով հաստատել է Սիրիայում պոլիոմելիտի համաճարակի մասին ենթադրությունը: