Ինքս սիրում եմ ժամանցային հեռուստածրագրեր և հաճույքով դիտում եմ, իհարկե եթե դրանք բանականության սահմաններում են, սակայն այն ինչ տեղի ունեցավ այսօր ինձ հետ ուղղակի աննկարագրելի էր: Այսօր դարձել եմ «Բլեֆ» կոչվող ստոր հաղորդման զոհը: Հաղորդման սյուժե, որն ամբողջովին անթույլատրելի էր, անբարոյական ու սահմռկեցուցիչ: Միայն կարող եմ ասել, որ ըստ սյուժեի ակամա մասնակիցը դառնում է չկանխամտածված սպանություն կատարող: Պատկերացնու՟մ եք իմ վիճակը: Հաղորդումից հետո զանգեցի հեռուստաընկերություն բողոքելու և խորհուրդ ստացա չնայել հաղորդումը, եթե այն ինձ դուր չի գալիս: Անբարոյականություն է հանուն լսարան ապահովելու համար խաղալ մարդկանց հոգեկան վիճակի հետ և սթրեսի հասցնել նրանց:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել