A1plus.am-ը գրում է.

Կոմիտաս 5 և հարակից շենքերի բնակիչները կրկին փողոց էին դուրս եկել: Նրանք բողոքում էին բարձրահարկ շենքի կառուցման դեմ: Այսօր բնակիչների հետ բանակցելու էր եկել Արաբկիր վարչական շրջանի ղեկավար Հրայր Անտոնյանը:

Արաբկիր վարչական շրջանի ղեկավարը բնակիչներին ներկայացրեց, իր խոսքերով, հաստատված նախագիծը, բնակիչները պնդեցին հակառակը:

Հրայր Անտոնյանը այնուհետև հայտարարեց, որ շենքը կառուցվելու է: Այստեղ էր նաև շինարարություն իրականացնող կազմակերպության տնօրենը՝ իր փաստաթղթերով: Կոմիտասի 5-ի բնակիչները դիմել են նաև Նախախորհրդարանին:

Հանդիպման ավարտին բնակիչներն ու Արաբկիր վարչական շրջանի ղեկավար Հրայր Անտոնյանը ընդհանուր հայտարարի չեկան:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել