Ներկայացնում ենք «Շիֆոնե Պրահա» տորթը:
Բաղադրիչները «շիֆոնե» բիսկվիթի համար՝
- 230 գ (180 գ + 45 գ) շաքարավազ
- 200 գ ալյուր
- 1-2 թ/գ փխրեցուցիչ
- 170 մլ ջուր
- 60 գ կակաո
- 1 1/3 ճ/գ լուծվող սուրճ
- 8 ձվի սպիտակուց
- 5 ձվի դեղնուց
- 1/4 թ/գ սոդա
- 1/4 թ/գ աղ
- 125 մլ բուսական յուղ
Բաղադրիչները կրեմի համար՝
- 200 գ կարագ
- 3 ձվի դեղնուց
- 4-6 ճ/գ խտացրած կաթ
- 1/4 բաժակ ջուր
- 60 գ շոկոլադ
- 1 ճ/գ կոնյակ (ըստ ցանկության)
Բաղադրիչները գլազուրի համար՝
- 3 ճ/գ շաքարավազ
- 2 ճ/գ կակաո
- 2 թ/գ հալած կարագ
- 50 գ ջեմ (ցանկալի է՝ խիտ)
- 6 ճ/գ ջուր
Պատրաստումը՝
1. Խառնիր կակաոն, լուծվող սուրճը և ջուրը: Զգուշությամբ առանձնացրու ձվերի սպիտակուցը և դեղնուցը: Դեղնուցները հարիր 180 գ շաքարավազի հետ՝ դանդաղ ավելացնելով բուսական յուղը: Ձվով խառնուրդին ավելացրու կակաոյի և սուրճի խառնուրդը: Նորից լավ խառնիր, ավելացրու փխրեցուցիչը, ալյուրը և սոդան:
Սպիտակուցը հարիր մնացած շաքարավազի հետ և խառնիր հիմնական զանգվածին: Խմորը լցրու կարագով պատված ձևամանի մեջ և թխիր նախապես մինչև 160°С տաքացված ջեռոցում մոտ 50 րոպե: Առաջին 30 րոպեներին ջեռոցի դուռը չբացես, այլապես բիսկվիթը չի ուռչի:
Պատրաստի բիսկվիթը թող մի քիչ սառչի: Հանիր ջեռոցից և թող 5-6 ժամ:
2. Կրեմի համար դեղնուցներին ավելացրու 1/4 բաժակ ջուր, խտացրած կաթ: Այդ ամենը խառնիր և դիր մարմանդ կրակի վրա: Հենց կրեմը խտանա, վերցրու կրակի վրայից և ավելացրու շոկոլադը: Խառնիր և թող՝ կրեմը սառչի մինչև սենյակային ջերմաստիճանի:
Առանձին հարիր փխրեցված կարագը և աստիճանաբար խառնիր ստացված կրեմին: Ցանկության դեպքում կարող ես 1 ճ/գ կոնյակ ավելացնել:
3. Գլազուրի համար խառնիր նշված բոլոր բաղադրիչները և դիր կրակի վրա: 2-3 րոպե, և գլազուրը պատրաստ է:
4. Բիսկվիթը կտրիր նույն չափի 3 մասի և յուրաքանչյուր մասի վրա քսիր ստացված կրեմը: Վրան ջեմ քսիր, ավելացրու տաք գլազուրը: Դեսերտը սառնարան դիր մոտ 30 րոպեով: