Չինաստանում շինարարը հրաշքով է ողջ մնացել՝ ընկնելով երկաթե ձողի վրա, որը մտել է հետանցքից և մխրճվել կրծքավանդակի մեջ։ Աշխատողը, ում անունը չի հաղորդվում, հրատապ հոսպիտալացվել է 2 մետր բարձրությունից ընկնելուց հետո, հայտնում է Mirror-ը։
Նա աշխատանքների ժամանակ կորցրել է հավասարակշռությունն ու ընկել 80 սմ մետաղական ձողի վրա, որը կիրառվել է բետոնի ամրացման համար։ Ձողի 60 սմ հատվածը հայտնվել է տղամարդու մարմնի մեջ։
Վիրահատությունը տևել է 6 ժամ։ Այժմ տղամարդը գտնվում է ծայրահեղ, սակայն կայուն վիճակում։ Բժիշկների խոսքով՝ նա բազմաթիվ ներքին վնասվածքներ է ստացել։ Վնասվել է նաև թոքերից մեկը։ Նա շարունակում է մնալ վերակենդանացման բաժանմունքում։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել