Գազարն արժեքավոր է նրանով, որ պարունակում է մեծ քանակությամբ կարոտին, որը փոխարկվում է մարդու օրգանիզմին այնքան անհրաժեշտ A վիտամինի:
Պարունակում է նաև B խմբի վիտամիններ, նիկոտինային թթու: A վիտամինի օրվա պահանջ բավարարելու համար բավական է ուտել 30-50 գրամ գազար: Բայց քանի որ այն մարսվում է ճարպերի առկայության դեպքում, անհրաժեշտ է օգտագործել աղցանների ձևով, թթվասերի, բուսական յուղի հետ:
Գազարն անհրաժեշտ է երեխաներին, քանի որ A վիտամինը նպաստում է հասակի աճին: Այս բանջարեղենը շատ օգտակար է տեսողության դեպքում: Կոբալտի և երկաթի աղերի շնորհիվ բարձրացնում է հեմոգլոբինի քանակը արյան մեջ: Հարուստ է նաև կալիումի աղերով. ահա, թե ինչու գազարով պատրաստված աղցաններն ու ճաշերը խորհուրդ են տրվում սրտանոթային հիվանդությունների դեպքում:
Հիանալի միջոց է փորկապության դեմ: Շատ օգտակար է կերակրող մայրերին և հղի կանանց: Գազարի բջջանյութը նպաստում է օրգանիզմից խոլեստերինի դուրս գալուն և կանխում է աթերոսկլերոզի առաջացումը:
Հակացուցում. խոցի դեպքում գազարը կարող է գրգռել ստամոքսի ու աղիների լորձաթաղանթը: Նման հիվանդներին հում գազար խորհուրդ չի տրվում:
