Կաթվածը բավականին տարածված երևույթ է, որի պատճառով շատ մարդիկ մահանում են, իսկ շատերն էլ դառնում են հաշմանդամ և չեն կարողանում նորմալ կենսակերպ վարել։ Արդեն երկար տարիներ է՝ բժիշկները հետազոտում են այդ երևույթի պատճառներն ու փորձում են նախանշաններ առանձնացնել, որոնց միջոցով հնարավոր կլինի նախօրոք հասկանալ կաթվածի վտանգի մասին և դիմել համապատասխան բուժզննության։
Ցավոք սրտի, շատ մարդիկ այդպես էլ ուշադրություն չեն դարձնում այդ հիվանդությանը, սակայն ստատիստիկական հաշվարկները ցույց են տալիս, որ կաթվածը մահվան և հաշմանդամության պատճառ դարձող ամենատարածված 5 հիվանդություններից մեկն է։ Ամեն 100.000 բնակչից 175-ն ամեն տարի կաթված է ստանում, ինչը նշանակում է, որ դրա լինելու հավանականությունը չափազանց բարձր է բոլոր մարդկանց դեպքում։
Դժվար է հավատալ, բայց նյարդաբանական հետազոտությունները ցույց են տալիս, որ նույնիսկ կաթվածից 3 ժամ առաջ դրա մասին իմանալը կարող է ամբողջովին բացառել բոլոր տեսակի հետևանքները մարդու կենսագործունեության վրա։
Կաթվածի նախանշաններ
Երբեմն կաթվածի նախանշանները շատ դժվար է նկատել, քանի որ դրանք շատ հմտորեն թաքնվում են ամենօրյա հոգնածության և թուլության քողի տակ, սակայն կա մի պարզ թեստ, որի օգնությամբ ցանկացած մարդ կարող է կանխարգելել այս երևույթի բացասական հետևանքները։ BlogNews-ը Ձեզ է ներկայացնում հենց այդ միջոցն ու հորդորում է մատների արանքով չնայել այս ինֆորմացիային։
Հարկավոր է երեք գործողություն կատարել
- Խնդրեք մարդուն ժպտալ
- Խնդրեք մարդուն պարզ նախադասություն ասել
- Խնդրեք մարդուն միաժամանակ բարձրացնել երկու ձեռքերը
Եթե մարդու մոտ բարդություններ առաջանան այս երեք գործողություններից նույնիսկ մեկը կատարելիս, ապա անհապաղ շտապօգնություն կանչեք և զգուշացրեք, որ հիվանդի մոտ, ամենայն հավանականությամբ, կաթված է։
