«Քրեական հեղինակություն Դոն Պիպոյի (Արթուր Ասատրյան) սպանության նախապատրաստության գործը Քննչական կոմիտեից ուղարկվել է ՀՀ ազգային անվտանգության ծառայություն:
Այս տեղեկությունը մեր զրույցում հաստատեց գործով մեղադրյալ Արկադի Քոչինյանի պաշտպան Արմինե Ֆանյանը: Թե ինչ պատճառով է գործը քննվում ԱԱԾ-ում, պաշտպանն ասաց, որ պատճառների մասին տեղյակ չէ, դեռ պաշտոնապես պաշտպանական կողմին չեն տեղեկացրել: «Անկեղծ ասած, մեզ համար միևնույն է, թե որ քննչական մարմինը կքննի քրեական գործը: Եթե քրեադատավարական օրենքի բոլոր նորմերի պահպանմամբ քննություն կիրականացվի, ապա միևնույն է»,- ի պատասխան մեր հարցին՝ ասաց Ֆանյանը:
ՀՀ գլխավոր դատախազության հանրային կապերի բաժնից էլ հետաքրքրվեցինք, թե ինչ պատճառով է գործը փոխանցվել ԱԱԾ-ին, սակայն մեր հարցին խոստացան պատասխանել ավելի ուշ:
Հիշեցնենք, որ Դոն Պիպոյի սպանության նախապատրաստման մեջ մեղադրվում է երեք անձ. ևս մեկ անձի էլ մեղադրանք է առաջադրվել խմբին օժանդակելու համար: Սույն գործի շրջանակներում Դոն Պիպոն տուժող է ճանաչվել»,-գրում է թերթը:
Նյութն ամբողջությամբ կարդացեք թերթի այսօրվա համարում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել