Բաղադրիչներ
- միս տավարի (աղացած) - 500 գր
- սոխ - 150 գր
- լոլիկ - 350 գր
- կարտոֆիլ - 850 գր
- կարագ - 60 գր
- պանիր - 150 գր
- աղ - ըստ ճաշակի
- պղպեղ սև - ըստ ճաշակի
Պատրաստման եղանակ
- Կարտոֆիլը աղաջրի մեջ եփում ենք։ Այնուհետև ջուրը թափում ենք, ավելացնում ենք կարագը և խյուս ենք պատրաստում։
- Սոխը խորանարդաձև կտրատում ենք, այնուհետև լցնում ենք բուսայուղով թավայի մեջ և տապակում։
Ավելացնում ենք մսի խճողակը, խառնում ենք, որպեսզի գնդիկներ չմնան։ Աղ և պղպեղ ենք անում:
- Լոլիկների վրա եռացրած ջուր ենք լցնում և 5 րոպե թողնում ենք։
- Ջուրը թափում ենք և լոլիկը կեղևազատում ենք։ Լոլիկները խորանարդաձև կտրատում ենք։
- Խճողակի եփվելուց հետո վրան կտրատած լոլիկներն ենք ավելացնում և մոտ 5 րոպե թույլ կրակի վրա շոգեխաշում ենք։
- Խճողակը դնում ենք հրակայուն ձևամանի մեջ և հարթեցնում ենք։
- Վրան խիտ և հավասար կարտոֆիլի խյուսի շերտն ենք լցնում։
- Պանիրը անցկացնում ենք քերիչով և լցնում ենք խյուսի շերտի վրա։ Թխում ենք 30-35 րոպե մինչև 180 աստիճան տաքացրած ջեռոցում։
Այսպիսով, ստացանք մսային լցոնով շատ համեղ կարտոֆիլային ջեռեփուկ, որը կարող ենք պատրաստել նաև փոքր ձևամանների մեջ և մատուցել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
