Ոմանց պարզունակ կթվա առաջարկը, սակայն մի անտեսեք սուբյեկտիվիզմը. մարդը տրամադրության էակ է, և երբեմն հիշյալ գործոնը կարող է վճռորոշ լինել, ինչի բազում օրինակներ ունի պատմությունը:
Միտքը ծնվեց, երբ Երկիր Մեդիայով հետևում էի Եվրախորհրդարանի լիագումար նիստի ելույթներին: Մի թողեք գործն անգործունակ արտգործնախարարության, Հերմինե Նաղդալյանի, Արտաշես Գեղամյանի, Նաիրա Զոհրաբյանի, նմանների հույսին: Եթե նրանք լավ աշխատեին, այդ դահլիճում չէին հնչի արցախցուն զինաթափելու, մեր հսկողության ներքո գտնվող տարածքներն ազերիներին վերադարձնելու, կողմերի միջև հավասարության նշան դնելու, բռնությունն այդ կերպ խրախուսելու կոչեր:
Բանիմացներ, պաշտոնատար ու հանրաճանաչ անձանց, հասարակական կառույցներին խոսուն նյութեր տրամադրեք, նպաստեք միջազգային կարծիքի ձևավորմանը, ինչն ամենևին չի հակասում գոյակռվի մարտունակ զինվոր լինելու սրբազան պատգամին, այլապես այն, ինչ տարիներ շարունակ արվում է ֆեյբուքի հայագիր հարթակում, մեղմ ասած, անպտուղ ժամավաճառություն է...
Նյութի աղբյուր՝ https://www.facebook.com/aram.hovhannisyan.792/posts/556491401178149?notif_t=close_friend_activity¬if_id=1460791104124354
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել