2012թ. փետրվարի 1-ին հանդիսավոր արարողությամբ բացվել է Լոնդոնի, Մեծ Բրիտանիայի և ԵՄ-ի ամենաբարձր երկնաքերը: "Shard" անվանմամբ երկնաքերի բարձրությունը կազմում է 310 մետր, այն գտնվում է Թեմզա գետի հարավային ափին:
87 հարկանի երկնաքերն ունի նեղ բրգաձև տեսք, պլանավորված է այնպես, որ դրանում գտնվելու են գրասենյակներ, բնակարաններ, ինչպես նաև հյուրանոց:

Վերնահարկերում գործելու են դիտման հրապարակներ և պատկերասրահներ: Զբոսաշրջիկներն այդ երկնաքեր այցելելու համար ստիպված կլինեն վճարել 25 ֆունտ ստերլինգ:

Լոնդոնյան երկնաքերը մինչ վերջերս իր բարձրությամբ համարվում էր Եվրոպայի ամենաբարձր շենքը, սակայն այն զիջեց Մոսկվայի գործարար շրջանում կառուցված «Մերկուրի Սիթի Թաուերին», որի բարձրությունը կազմում է 339 մետր:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել