Tert.am-ը գրում է.
Կալիֆոռնիայում 75 տարվա ամուսինները՝ Ալեքսանդր և Ժանետ Տոցկոները, մահացել են ժամերի տարբերությամբ՝ միմյանց գրկում, գրում է Bored Panda-ն։
Միմյանց անչափ սիրող ծերունիների վերջին պահերը լուսանկարել է նրանց դուստրը՝ Էմի Տոցկոն։
Նշվում է, որ երկուսն էլ եղել են 95 տարեկան։ Նրանք միմյանց սիրահարված են եղել 8 տարեկանից և ամուսնացել են 1940 թվականին։
Ալեքսանդրը ոտքի հետ կապված խնդիր է ունեցել, այդ իսկ պատճառով պառկած է եղել անկողնում, նրա կնոջ առողջականը նույնպես տարիքի հետ կապված վատթարացել է, այդ պատճառով նրանց մասին հոգ տանող հիվանդանոցի աշխատակիցները նրանց այնպիսի անկողին են տրամադրել, որ կարողանան իրար կողք գտնվել և միմյանց գրկում լինել։
«Սպասիր ինձ այնտեղ, ես շուտով այնտեղ կլինեմ քեզ հետ»,-ասել է Ժանետն ամուսնուն նրա մահից վայրկյաններ առաջ։
Երջանիկ զույգը
Նրանք ունեն 5 երեխա, 10 թոռ և 6 ծոռ։ 
Հիվանդանոցի աշխատակիցները հուզվել են՝ տեսնելով միմյանց այդքան սիրող տարեց զույգին։
Նյութի աղբյուր՝ http://www.tert.am/am/news/2015/07/04/marriage75/1725547
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
