Մեծ ցավով տեղեկացա սիրված մարզիկ, ծանրորդ Վարդան Միլիտոսյանի մահվան մասին: Փորձված և տաղանդաշատ մարզիկը բազմաթիվ անգամներ է կանգնել պատվո պատվանդանին` հպարտության և ցնծության պահեր պարգևելով մարզաշխարհին և մարզասերներին: Նա օլիմպիական խաղերի արծաթե մեդալակիր էր, Եվրոպայի կրկնակի չեմպիոն, աշխարհի կրկնակի փոխչեմպիոն, աշխարհի քառակի ռեկորդակիր, սպորտի վաստակավոր վարպետ:
Վարդան Միլիտոսյանը նաև մարզչական լավ հաջողություն է գրանցել` դառնալով եղբորորդու` օլիմպիական չեմպիոն Իսրայել Միլիտոսյանի մարզիչը: Սակայն ամենակարևորը և գնահատելին նրա մարդ տեսակն էր` համեստ, հանդուրժող, նվիրված, ընկերասեր:
Կրկին սգում եմ մեր կորուստը և կիսում սիրված մարզիկի ընտանիքի անդամների, բարեկամների, մտերիմների, հարազատների և ընկերների վիշտը` անկեղծ ցավակցությունս հայտնելով նրանց անդառնալի կորստի կապակցությամբ:
Նյութի աղբյուր՝ https://www.facebook.com/permalink.php?story_fbid=1611952339091220&id=100008294093011&pnref=story
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել