Երբ հոգնում ենք առօրյա թոհուբոհից, մենք պատուհանից դուրս ենք նայում և մեր հայացքը հառում ամպերին։ Վերևում բացված գեղեցիկ տեսարանը հանգստացնող ազդեցություն է գործում մեզ վրա։ Ամպերն իրենց ձևով զանազան առարկաներ են հիշեցնում։ Երբեմն մենք գործի ենք դնում երևակայությունը ու տարբեր բաներ պատկերացնում ամպերում։ Որոշ ստեղծարար մարդիկ ավելի հեռուն են գնում ու ֆոտոխցիկի օգնությամբ «խաղեր են տալիս» ամպերի հետ։ Արդյունքում ստացվում են սքանչելի լուսանկարներ։ Այս լուսանկարներում կիրառվում է այսպես կոչված «forced perspective» (հարկադիր դիտանկյուն) լուսանկարչական տեխնիկան: Այդ տեխնիկայի շնորհիվ լուսանկարում առարկաները շատ ավելի հեռու կամ մոտ, մեծ կամ փոքր են երևում, քան իրականում: Երբ այս տեխնիկան միահյուսվում է լուսանկարչի վառ երևակայության հետ, արդյունքն այսպիսին է լինում։
