Մարդկանց ցանկությունների անվանացանկը տարիների ընթացքում այնքան է աճել , որ փոփոխվում է ոչ թե տարիներով ու ամիսներով , այլ օրերով ու ժամերով :
Դասախոսության յուրաքանչյուր տող գրելու ընթացքում ոչ մի ազդեցություն չի թողնում : Գրում ես , գրում , ութսուն րոպե տանջվում , կռիվ տալիս մատներիդ ու գրիչիդ հետ : Չէ՜ , դուք պիտի դիմանաք այդ ամենին : Մատները ստեղծված են գրելու համար : Գրելը լավագույնն է քո կյանքում : Այնքան ես խոսում այդ խեղճ մատների հետ , որ նրանք էլ են համոզվում . կգրենք , կգրենք , միայն թե ուղեղդ անջատիր , թող հանգիստ աշխատենք , մենք ունակ չենք նման բարդ աշխատանքի միաժամանակ :
Թողնում եմ , որ գրեն :
Անջատում եմ ուղեղս ու սկսում չմտածել :
Միշտ կարծել եմ , թե մարդիկ ամեն պահի մտածում են ու կապ չունի ՝ որտեղ են գտնվում ու ինչով են զբաղված : Ուղեղի գլխավոր գործառույթը մտածելն է : Մտածել ՝ ինչպես կարող ես ու ինչ կարող ես : Մտածել մտածելու մասին :
Ցանկությունների անվանացանկում մի մեեեեծ -շա՜տ-շա՜տ մեծ ցանկություն էլ կա . հանգստանալ )))
Հանգստանալ ուղեղից ու մտածելուց , առօրյայից ու նույնությունից , բառերից ...
Մարդիկ միշտ ապրում են նույն կյանքը : Երազում են նույնի մասին , տանջվում են նույնից ու սիրում նույնը : Ու ինչքան էլ բոլորը փորձեն ապացուցել , որ նրանցից չկա ու չի լինի , նրանք միշտ նման են ՝ տափակություններով ու երազանքների որոշ պաշարներով , մտածելու հորիզոնական ու ուղղահայաց գծերով , մեղադրելու ու մեղադրվելու ամեն մի հատկությամբ:
Նույնն են հանգստանալու ու հոգնելու սիրով :)
Մենք բոլորս հանգստանում ենք աշխատանքից ու դասերից :
Հանգստանում ենք հանգստանալուց :
մոռանալուց
սովորելուց
նայելու ու հիանալուց ...
Ամեն ինչից ամեն պահի հանգստանում ենք : Անհարմար ու անազատ վայրկյաններն էլ տրամադրում հանգստանալուն : Միայն մի բանից չենք հանգստանում ՝ ինքներս մեզնից :
Հանգստացե՛ք ձեզնից , թողե՛ք հանգիստ ձեր ուղեղը , երազե՛ք , մտածե՛ք այն , ինչ հետաքրքիր է , փորձե՛ք , կարծե՛ք ու կառուցե՛ք , երգե՛ք ու մոռացե՛ք , ստեղծե՛ք ու ԵՐԲԵՔ մի՛ զլացեք : Հանգստացե՛ք !!!!
.... մենք մոռանում ենք երեկոյան լույսերի հետ անջատել և մեր ուղեղը ...
մեզ ...
Հանգստացե՜ք )))
