«Ամերիկային Եվրոպան միշտ պետք է նայի բաց աչքերով և ոչ մի առիթ չտա մեղադրանքի և ճնշման: Ամերիկան ուժեղանում է օրեցօր: Նա կվերածվի հսկայական ուժի, և կգա ժամանակը, երբ Եվրոպայի առջև, որի հետ հաղորդակցվելը ավելի կհեշտանա նոր հայտնագործությունների շնորհիվ, նա կկամենա իր խոսքն ասել մեր գործերի վերաբերյալ և դրանց վրա կդնի իր թաթը: Քաղաքական զգուշությունը այդ ժամանակ հին մայրցամաքի պետություններից կպահանջի մանրակրկիտ հետևել, որպեսզի ոչ մի առիթ չներկայանա նման միջամտության համար: Իսկ այն օրը, երբ Ամերիկան կգա Եվրոպա, խաղաղությունն ու ավտանգությունը երկար ժամանակ նրանից կարտաքսվեն»:
Շառլ- Մորիս Թալեյրան
Պարզապես մարգարեական բառեր, որոնք բազմատաղանդ դիվանագետը գրել է իր հուշերում դեռևս XVIII դարում, երբ 25 ամսով մեկնել էր Ամերիկա:
Եվ ինչպես ԱՄՆ-ն շատ ու շատ հարցերում օրինակ է վերցրել Հռոմեական Կայսրությունից, նույնպես որդեգրեց մի ասույթ Մարկոս Ավրելիոսից. «Եթե ցանկանում ես հաղթել թշնամուդ, նրա երկրում այլասերություն տարածիր»: Ամերիկյան վերը նշված քաղաքականության արդյունքն է այսօրվա Եվրոպայի բարոյական կերպարը: Այս հարցում ԱՄՆ-ի ռազմավարությունը իրականացվում է «գենդերային հավասարության» սկզբունքի ներմուծմամբ: Դրանով մի քանի հակաբնական ծայրագույն մեղքեր դառնում են թույլատրելի և մեծ ֆինանսավորումներով այն քարոզվում է ամեն տեղ, այդ թվում նաև դպրոցներում: Դրանք են` համասեռամոլությունը (սոդոմական մեղքը), մանկապղծությունը, զոոֆիլիան: Եվ ամենահետաքրքիրն այն է, որ «գենդեր» քարոզող նույն ԱՄՆ-ում խիստ դատապարտելի են վերը նշված մեղքեր: ԱՄՆ-ում վերջերս հարյուրավոր մարդիկ աշխատանքից զրկվեցին իրենց համասեռամոլ հայտարարելու պատճառով: Այնտեղ ոստիկանները հսկում են, որ երեխաները հեռու պահվեն մանկապիղծներից: Մանկապղծությունը դատապարտելի է ԱՄՆ-ում, այնինչ ԱՄՆ-ի ջանքերով Նորվեգիայում գոյություն ունի մանկապիղծների կուսակցություն:
Եվ միայն այն երկրներում, որտեղ կան բարոյական խիստ արժեքներ, այն է` մահմեդական և արևելյան երկրներում, այս մեթոդով պայքարելը անհնարին է: Ուստի այդտեղ էլ ԱՄՆ-ն հրահրում է քաղաքացիական պատերազմներ, որպեսզի կարողանա իր թաթը Եվրոպայից բացի դնել նաև ամբողջ աշխարհի վրա:
Ի՞նչ է անելու Հայաստանը` խոնարհվելու է արևմուտքից ներխուժող մեղքերի առաջ, թե արթնացնելու է իր նախնյաց արժեհամակարգը և մի բան էլ օգնելու Եվրոպային բարոյապես ոտքի կանգնել: Ես ընտրում եմ երկրորդ տարբերակը:
