168.am-ը գրում է.

Հայաստանի հավաքականի նախկին ավագ, Միլանի «Ինտերի» կիսապաշտպան Հենրիխ Մխիթարյանը վնասվածքի պատճառով մեկամսյա դադարից հետո երկրորդ անընդմեջ մարզումն է անցկացրել: Այս մասին հայտնում է ակումբի երկրպագուների լրատվական կայքերից մեկը:

Կիրակի օրը «Ինտերը» Իտալիայի առաջնությունում խաղում է «Պիզայի» դեմ: Հնարավոր է, որ Հենրիխը ցանկանա խաղադաշտ դուրս գալ: Սակայն միլանցիների գլխավոր մարզիչ Կրիստիան Կիվուն, որպես կանոն, շատ զգույշ է նման իրավիճակներում և վնասվածք ստացած ֆուտբոլիստներին չի թողնում խաղադաշտ՝ լիովին վստահ չլինելով նրանց վերականգնման հարցում, նշում է պարբերականը:

Հիշեցնենք, որ Հենրիխ Մխիթարյանը ձախ ազդրի մկանի վնասվածք էր ստացել հոկտեմբերի վերջին՝ «Նապոլիի» դեմ թիմի համար կարևորագույն հանդիպումներից մեկում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել