Tert.am-ը գրում է.
Մենք ՔՊ կամ որևէ այլ կուսակցությունից կամ խմբակցությունից որևէ ակնկալքիներ չունենք, մեր ակնկալիքները ԱԺ պատգամավորներից են: Այս մասին ԱԺ դիմաց լրագրողների հետ զրույցում ասաց հասարակական-քաղաքական գործիչ Էդգար Ղազարյանը, որը պատրաստվում է ԱԺ 107 պատգամավորներին նամակ հանձնել՝ Նիկոլ Փաշինյանին անվստահություն հայտնելու առաջարկով:
«Այն ինչի վերաբերյալ պատրաստվում ենք նամակ հանձնել ԱԺ պատգամավորներին, դուրս է որևէ կուսակցության և խմբակցության իրավասությունների շրջանակներից և վերաբերելի է բացառապես պատգամավորին՝ գումարած որպես ինքնավար քաղաքական պաշտոն զբաղեցնողի պաշտոնական պարտականություններից»,- ասաց նա:
Նա տեղեկացրեց, որ այս գործընթացի վերաբերյալ խմբակցության որոշում պարտադիր չէ, քվեարկության համար ևս որոշում չի պահանջվում, ամեն պատգամավոր իր որոշումն է կայացնում:
Հարցին՝ դիմումում նշե՞լ եք, թե ով է ձեր վարչապետի թեկնածուն, նա հակիրճ ներկայացրեց նամակի բովանդակությունը:
«Այստեղ գրած է այս գործընթացի հիմնավորումները՝ հղում անելով Սահմանադրության 88-րդ, 94-րդ և 115-րդ հոդվածներին: Այսինքն, հիմնավորումներն է ներկայացված և կցված է ԱԺ-ի որոշման նախագիծը՝ ՀՀ վարչապետ Նիկոլ Փաշինյանին անվստահություն հայտնելու մասին ԱԺ նախագիծ: Այստեղ որոշման տեքստը դրված է, բաց է թողնված վարչապետի անուն ազգանուն տողը: Այն, թե ով կարող է լինել վարչապետի թեկնածուն, դա կարող է որոշել միայն այն պատգամավորը, ով այս նախաձեռնության հեղինակն է, իրենք էլ կորոշեն, թե ում են առաջադրում վարչապետի թեկնածու»,- ասաց նա:
Ամբողջական հոդվածը կարող եք կարդալ այստեղ:
