Թուրքիայում տեղադրվել է «Գորշ գայլեր»–ի նշանը ցույց տված թուրք ֆուտբոլիստի արձանը

Lurer.com-ը գրում է.

Թուրքիայի Բոլու քաղաքում տեղադրվել է թուրք ֆուտբոլիստ Մերիհ Դեմիրալի արձանը, ով ԵՎՐՈ-2024-ի ժամանակ ցուցադրել էր «Գորշ գայլեր» ահաբեկչական կազմակերպության ժեստը։

Հիշեցնենք, որ Ավստրիա-Թուրքիա հանդիպման ժամանակ գոլի հեղինակ դարձած Դեմիրալը 2 ձեռքով ցույց էր տվել ծայրահեղ ազգայնամոլական-ահաբեկչական «Գորշ գայլեր»-ի նշանը։

ՈՒԵՖԱ-ն հետաքննություն էր սկսել Դեմիրալի դեմ «Գորշ գայլեր»-ի նշանը ցույց տալու համար։ Թուրք ֆուտբոլիստն արձագանքել էր առաջացած սկանդալին՝ հայտարարելով․ «Ես հպարտ եմ, որ թուրք եմ։ Շատ գոհ եմ իմ արածից։ Լավ եմ արել»։