Armsport.am-ը գրում է.
Ընթացիկ մրցաշրջանի մեկնարկում թիմի չգոհացնող արդյունքների պատճառով «Ռոմայի» գլխավոր մարզիչ Էուսեբիո Դի Ֆրանչեսկոն կարող է կորցնել աշխատանքը:
Հռոմեական ակումբի ղեկավարությունն ու անձամբ Ջեյմս Պալոտան դիտարկում են մասնագետի հեռացման հնարավորությունը: Դի Ֆրանչեսկոյի հավանական փոխարինողների թվում ավելի վաղ արդեն նշվում էին Անտոնիո Կոնտեի, Լորան Բլանի և Վինչենցո Մոնտելայի անունները:
Սակայն, ինչպես հաղորդում է «ITASportPress»-ը՝ հղում անելով «Corriere dello Sport»-ին, «Ռոմայի» գլխավոր մարզչի պաշտոնի գլխավոր հավակնորդը Պաուլու Սոուզան է, որն այս պահին գլխավորում է «Տյանցզին Ցյուանզյանը»:
Մասնագետը լավ ծանոթ է իտալական ֆուտբոլին «Ֆիորենտինայում» աշխատելու ժամանակներից և, հռոմեացիների ղեկավարության կարծիքով, արժանի փոխարինող կդառա Դի Ֆրանչեսկոյին: Այս պահին Սոուզան ու նրա գործակալը դիտարկում են չինական ակումբի հետ պայմանագիրը վաղաժամ խզելու տարբերակները:
Ա Սերիայի մեկնարկային 5 տուրերից հետո «Ռոման», հավաքելով 5 միավոր, զբաղեցնում է մրցաշարային աղյուսակի 14-րդ տեղը: