168.am-ը գրում է.

Ֆրանսիական Ալպերի Մոնբլան լեռան վրա մի քանի տասնյակ զբոսաշրջիկներ հարկադրված գիշերն անցկացրել են փչացած ֆունիկուլյորի խցիկներում, տեղեկացնում է BBC-ն: Նախապես ճոպանուղում էր մնացել 110 մարդ, սակայն նրանց մեծ մասին տարահանել են ուղղաթիռներով: Փրկարարական գործողությունը գիշերը դադարեցվել է եւ վերսկսվել է սեպտեմբերի 9-ի առավտոյան:

Հաղորդվում է, որ ճոպանուղու խցիկները չպարզված պատճառներով խառնվել են իրար ու կանգ առել: Տարբեր տվյալներով՝ 3800 մետր բարձրության վրա արգելափակված է մնում 33-ից մինչեւ 45 մարդ: Փրկարարները նրանց կերակուր, ջուր եւ ծածկոցներ են հասցրել:

Գործողությանը մասնակցում են փրկարարներ Ֆրանսիայից, Իտալիայից եւ Շվեյցարիայից: Նրանք գործի են դրել երեք ուղղաթիռներ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել