Ռազմական հեղաշրջման փորձից հետո Թուրքիայում ստացվել է 10 միլիոն դրոշի արտադրության պատվեր

Թուրքական Dünya Bülteni լրատվական կենտրոնի փոխանցմամբ՝ Թուրքիայում դրոշ արտադրողները հուլիսի 15-ին երկրում կատարված ռազմական հեղաշրջումից հետո ստացել են 10 միլիոն հատ թուրքական դրոշի պատվեր։

Հաղորդվում է, որ դրոշների տարեկան արտադրությունը կազմում է 20 միլիարդ լիրա (1 դոլարը համարժեք է 3 լիրայի) և նորմալ պայմաններում արտադրվում էր 3 միլիոն դրոշ, մինչդեռ հեղաշրջման փորձից հետո դա հասել է 10 միլիոնի։

Այդ պատվերները պետք է ավարտվեն մինչև օգոստոսի ավարտը։