1in.am-ը գրում է․
Ամերիկացի երգիչ 64-ամյա Սթիվի Ուանդերը և նրա հարսնացուն՝ մոդել Տոմիկա Ռոբին Բեյսին, եռյակ կունենան, հայտնում է Eurweb-ը:
Ուանդերը չի ծրագրում հրապարակել նորությունը, սակայն մամուլի ներկայացուցիչներին այդ մասին տեղեկացրել է Ուանդերի մտերիմ ընկերներից մեկը:
«Դա չպլանավորված հղիություն է, սակայն զույգը շատ երջանիկ է ու անհամբերությամբ է սպասում միանգամից 3 երեխաների լույս աշխարհ գալուն»,- լրագրողներին պատմել է անանուն զրուցակիցը:
Այդուհանդերձ, երգիչը փորձում է անձնական կյանքը գաղտնի պահել ու չի թույլատրում լուսանկարել ապագա երեխաների մորը:
Ուանդերն ու Բեյսին արդեն դաստիարակում են ընդհանուր 1 տարեկան որդուն:
Երգիչը նախկինում 2 անգամ ամուսնացել է, ունի 8 երեխա նախորդ ամուսնությունից ու տարբեր սիրավեպերից:
Մոդելի հետ ծանոթացել է 2 տարի առաջ: