pep-guardiola1in.am-ը գրում է.

Մյունխենի «Բավարիա»-ի գլխավոր մարզիչ Խոսեպ Գվարդիոլան պատասխանել է մյունխենյան ակումբում իր ապագայի մասին հարցերին:

«Ռումենիգեի և Զամերի հետ կխոսեմ գավաթային եզրափակչից հետո: Մենք կքննարկենք մեր տեսակետները և լավագույն որոշումը կկայացնենք ակումբի համար: Դա նորմալ է: Գիտեմ, որ եթե չես հաղթում, կարող ես դժվարությունների բախվել: Մանավանդ մեծ ակումբների մարզիչների հետ այդպես էլ պատահում է»,- ասել է մասնագետը:

Հիշեցնենք` Գերմանիայի գավաթի խաղարկության եզրափակիչում Մյունխենի «Բավարիա»-ն դիմակայություն է անցկացնելու Դորտմունդի «Բորուսիա»-ի հետ: Ավելի վաղ մյունխենյան ակումբը վաղաժամկետ նվաճել է Գերմանիայի չեմպիոնի տիտղոսը, բայց պարտություն է կրել Չեմպիոնների Լիգայի գավաթի խաղարկության կիսաեզրափակիչում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել