1in.am-ը գրում է.

Ռուս փորձագետ, Մոսկվայի «Սպարտակ»-ի վետերան Եվգենի Լովչևը Sovsport-ի հետ զրույցում անդրադարձել է Հայաստանի ազգային հավաքականի կիսապաշտպան Արազ Օզբիլիսի խաղին:

«Օզբիլիսը լավ հարվածների է տիրապետում, խելացի խաղ ցուցադրում: Նա դժգոհ էր իր գործողություններից և հայտարարեց, որ նման խաղով «Մանչեսթեր Յունայթեդ»-ում չի հայտնվի, բայց ես վստահ եմ, որ սկաուտները կրկին գալու են Ռուսաստան ու հետևեն նրա խաղին:

Նա լավ տեխնիկայի է տիրապետում, լավ է խաղում ձախ ոտքով: Օզբիլիսը խաղաոճով նման է Ռոբենին: «Կուբան»-ում, որտեղ նրան ավելի շատ էին վստահում, նա ավելի լավ էր խաղում, իսկ «Սպարտակ»-ում նա չի բացահայտել իր ողջ ներուժը:

«Սպարտակ»-ում նա տեղ չունի մեկնարկային կազմում, ինչը խանգարում է նման կարգի խաղացողներին»,- հայտարարել է Լովչևը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել