Ճապոնիայում երկրաշարժ է տեղի ունեցել, զգուշացվել է ցունամիի սպառնալիքի մասին

1in.am-ը գրում է.

Ճապոնիայի հյուսիս-արևելքում երկրաշարժ է տեղի ունեցել: 

Ուժեղ ցնցումները զգացվել են Հոնսյու կղզու ամբողջ տարածքում, փոխանցում է ИТАР-ТАСС-ը:

Երկրի Ազգային օդերևութաբանական վարչության տեղեկացմամբ՝ երկրաշարժի էպիկենտրոնը գտնվում է Ֆուկուսիմա պրեֆեկտուրայից արևելք: 

Հայտարարվել է ցունամիի վտանգի մասին: Մեկ մետր բարձրությամբ հարվածային ալիքը շարժվում է Ֆուկուսիմա պրեֆեկտուրայի ուղղությամբ: Ուժեղ ցնցումները զգացվել են նաև Հոկայդո կղզում: 

«Ֆուկուսիմա-1» վթարային և «Ֆուկուսիմա-2» չգործող ԱԷԿ-ների աշխատակիցները դադարեցրել են ափամերձ տարածքում աշխատանքները և սկսել են մարդկանց տարհանումը: «Տոկիո էլեկտրիկ փաուեր» ընկերությունում նշել են, որ շարունակում են ուշադիր հետևել կայանի վիճակին: