Panorama.am-ը գրում է.
Այսօր Աջափնյակ և Դավթաշեն վարչական շրջանների ընդհանուր իրավասության դատարանում դատավոր Անի Մխիթարյանի նախագահությամբ տեղի ունեցավ Սյունիքի նախկին մարզպետ Սուրիկ Խաչատրյանն ընդդեմ Գորիսի նախկին քաղաքապետ Սամվել Հարությունյանի գործով նախնական դատական նիստը:
Հիշեցնենք` հայցվոր Սուրիկ Խաչատրյանը վիճարկում է հունիսի 12-ին «Առավոտ» օրաթերթում հրապարակված «Կրակել է իրենից հղի սիրուհու վրա և սպանել չծնված երեխային» վերտառությամբ հոդվածում Գորիսի նախկին քաղաքապետ Սամվել Հարությունյանի հայտարարության մի քանի դրվագներ, որոնք ըստ նրանց զրպարտություն են: Բացի հրապարակային հերքումը, Սուրիկ Խաչատրյանն ու նրա ներկայացուցիչ, փաստաբան Մարտին Զիլփուղարյանը պահանջում են որպես պատճառված վնասի փոխհատուցում՝ 1,5 մլն դրամ չափով:
Այսօրվա նախնական դատական նիստում Մարտին Զիլֆուղարյանը և Սամվել Հարությունյանի փաստաբան Մուշեղ Շուշանյանը ներկայացրին հայցի հիմքը և առարկան: Մասնավորապես, Զիլֆուղարյանն ասաց, որ զրպարտություն է Հարությունյանի այն հայտարարությունը, թե Սուրիկ Խաչատրյանը սիրուհի ունի և որ սպանելու նպատակով կրակել է իր սիրուհու` հղի Արևիկ Միրզոյանի վրա. նրա կյանքը հնարավոր է եղել փրկել, իսկ երեխայինը` ոչ:
Ամբողջական հոդվածը կարող եք կարդալ այստեղ