Panorama.am-ը գրում է.
«Պետական պաշտոններ զբաղեցնող անձանց վարձատրության մասին» նախագիծը քաղաքական է, բայց վատ օրինագիծ չէ: Այդ մասին այսօր խորհրդարանում նախագծի և դրան կից ներկայացված փաթեթի քննարկման ժամանակ հայտարարեց ԱԺ Հանրապետական խմբակցության անդամ Դավիթ Հարությունյանը:
«Սա ոչ միայն աշխատավարձերի բարձրացման վերաբերյալ օրինագիծ է, այլև զուտ քաղաքական փաստաթուղթ, որն իր էությամբ արտացոլում է, թե ով ինչպիսի դերակատարություն պետք է ունենա երկրում՝ որոշումներ կայացնելու, պատասխանատվության և մի շարք այլ հարցերում», -հավելեց խորհրդարանականը:
Մեծամասնությունը ներկայացնող պատգամավորի խոսքով, յուրաքանչյուր երկիր, որտեղ նման համակարգ է ներդրված, առաջին հերթին քաղաքական մոտեցումներն է հաշվի առել: Նա մատնանշեց Սինգապուրի վարչապետին, որը տարիներ առաջ հայտարարել էր, թե ինքն իրենց երկրում ամենաբարձր վարձատրվող անձն է, տարածաշրջանում ամենաբարձր վարձատրվող վարչապետը, սակայն իր ֆինանսական կարողություններով զիջում է բոլորին, այնուհետև բացատրեց. «Նա ակնարկում էր, որ ուրիշ երկրներում ցածր է աշխատավարձը, բայց կոռուպցիայի մակարդակն էլ է ուրիշ»: Նա, ինչպես երեկ հայտարարել էր ԱԺ ՀԱԿ խմբակցության պատգամավոր Գագիկ Ջհանգիրյանը, հայտարարեց, որ դատավորներին պետք է առանձնահատուկ ուշադրություն դարձնել` բարձրացնելով նրանց աշխատավարձը:
ԱԺ Հանրապետական պատգամավորը դիմելով նախագիծը ներկայացնող կառավարության աշխատակազմի ղեկավար-նախարար Վաչե Գաբրիելյանին, ասաց, որ հարգում է նախարարին, սակայն օրինագծում «բովանդակային պակաս» կա:
Ամբողջական հոդվածը կարող եք կարդալ այստեղ