1in.am-ը գրում է.
Ամերիկացի երգչուհի Ռիհաննան նախօրեին ժամանել է Իսրայել, որտեղ Թել Ավիվի «Ա-Յարկոն» պարկում տեղի է ունեցել նրա համերգը, որով էլ ավարտվել է երգչուհու մերձավորարևելյան շրջագայության փուլը:
Թել Ավիվում նրա ելույթին հետևել է մոտ 50 հազար հանդիսական: Չնայած տոմսերի բարձր գնին (100- 400 դոլար), դրանք բոլորը վաճառվել են, սակայն երգչուհին հասցրել է հիասթափեցնել իր երկրպագուներին: Նախ՝ Ռիհաննան ուշացել է համերգից, երկրորդ՝ երգել է «ֆոնոգրամայի տակ» ու երրորդ՝ ոչ մի անգամ չի փոխել զգեստը: Եվ վերջապես՝ համերգը տևել է ընդամենը 1 ժամ 15 րոպե:
Երգչուհին համերգից ուշացել էր, քանի որ հենց օդանավակայանից մեկնել էր Մեռյալ ծով՝ լողալու, հայտնում է NEWSru Israel-ը:
Ռիհաննան Իսրայելից մեկնել է Դոմինիկյան Հանրապետություն ու Պուերտո-Ռիկո, ապա մեկնելու է հայրենի Բարբադոս: