Esem.am-ը գրում է.
Ամերիկաբնակ երգչուհի Անի Քրիստիին ESem.am-ը քանիցս անդրադարձել է: Վերջերս երգչուհին սոցցանցային իր էջերում լուսանկարներ է տեղադրում, որոնցից էլ երևում է, որ սևահեր Անին փոխել է մազերի գույնը:
Այսուհետև շիկահեր երգչուհին ESem.am-ի հետ խոսեց մազերի գույնի կտրուկ փոփոխության, սպասվելիք նորության և ԱՄՆ-ում կայացած «Երգ երգոց» հեռուստածրագրին իր մասնակցության մասին: «Արտաքին այս փոփոխությունն ինձ համար այդքան էլ նորություն չէ: Դեռևս 17-18 տարեկանից շատ տարբեր գույներ եմ ներկել մազերս, իհարկե ոչ աբսուրդի հասնող:) Սիրում եմ հաճախ փոխել տեսքս, այդ պատճառով էլ պարբերաբար փոխում եմ մազերիս գույնն ու կտրվածքը»,- մեզ հետ զրույցում ասաց Անին:
Երգչուհու` այս անգամվա արտաքին փոփոխությունը կապված է նաև նրա աշխատանքային նորության հետ: «Շուտով Ամերիկայի հայկական հեռուստաընկերություններից մեկով` «Հորիզոն»-ով սկսվելու է իմ հեղինակային հաղորդաշարը, ինչի համար էլ որոշեցի նոր արտաքինով ներկայանալ հեռուստադիտողին: Սա դեռ ամենը չէ, առաջիկայում էլի փոփխություններ կլինեն:)»,-հավելեց երգչուհին, ով առայժմ չցանկացավ այլ մանրամասներ հաղորդել`խոստանալով առաջինը ESem.am-ին տեղեկացնել, երբ ծրագրերը հստականան:
Ամբողջական հոդվածը կարող եք կարդալ այստեղ