1in.am-ը գրում է.

Մարդու ձայնի տոնայնությունը վայրկենապես փոխվում է այն անձանց հետ զրուցելիս, որոնց հանդեպ սեր կամ համակրանք է տածում: Ինչպես հաղորդում է globalscience.ru-ն, նման եզրահանգման են եկել ամերիկացի հոգեբանները:

Փենսիլվանիա նահանգի Օլբրայթ քոլեջի հետազոտողները փորձ են անցկացրել, որին ընդհանուր առմամբ մասնակցել է 24 կամավոր: Մասնագետները գրանցել են նրանց բոլոր հեռախոսազանգերը, այդ թվում՝ սիրեցյալների հետ (փորձի մասնակիցների ռոմանտիկ հարաբերությունները եղել են վաղ փուլում):

Պարզվել է, որ սիրած անձնավորության հետ խոսելիս կանանց ձայնում գերակշռել են ցածր նոտաներ, իսկ տղամարդկանց ձայնն աչքի է ընկել ավելի բարձր տոնայնությամբ:

Ընկերների կամ ծանոթների հետ խոսելիս ձայնի տոնայնությունը չի փոխվել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել