Պատճառ գտեք: Այսինքն վաղ արթնանալու պատճառ: Դա կարող է լինել օրինակ այն միտքը, որ ուշ են քնում միայն անհաջողակները կամ որ շատ անելիքներ ունեք: Գտեք ձեր մոտիվացիան:
Մոռացեք զարթուցիչի «snooze» կոճակի մասին: Այն հստակ դրեք անհրաժեշտ ժամի վրա և վերջ: Հենց զարթուցիչը զանգի, ձեռքը չենք մեկնում դեպի «snooze» կոճակը, այլ արթնանում ենք:
Հիշեք «ևս 5 րոպե»-ի հետևանքների մասին: Այդ ևս 5 րոպեն հեշտությամբ վերածվում է 10, ապա նաև 30 րոպեի: Անկողնում մնալու ամեն ավելորդ րոպեն կարող է հանգեցնել նրան, որ կրկին քնեք:
Ամուր քուն մտեք և քնեք բավարար: Առողջ և լիարժեք քունն առույգ օրվա նախապայմանն է:
Դարձրեք ձեր ննջասենյակը հանգստի հաճելի սենյակ: Սկսած պատերի գույնից վերջացրած անկողնային սպիտակեղենի զարդանախշերով: Լավ կլինի, որ անկողինն այնպես դնեք, որ առավոտյան արևը շողա ուղիղ ձեր աչքերին. այդպես դուք հաստատ երկար չեք քնի:
Բացեք պատուհանը: Երբ քնելուց առաջ լավ օդափոխում եք սենյակը, ավելի արագ եք քնում:
Ճիշտ հագուստ քնելու համար: Հագուստը պետք է հարմար լինի և ձեզ անհանգստություն չպատճառի: Առավոտյան մինչև ականջները հասած գիշերազգեստը չի նպաստում խորը քնին:
Քնեք երջանիկ մտքերով: Չփորձեք ընկնել վատ հիշողությունների գիրկը կամ մտածել, թե ինչպես է անցնելու հաջորդ օրը:
Ընթրիքը պետք է թեթև լինի: Եվ խուսափեք քնելուց առաջ ոգելից խմիչք և կոֆեին պարունակող ըմպելիքներ խմելուց:
Քնելուց առաջ լոգանք ընդունեք: Կարող եք օգտագործել նարդոսի յուղ, որը շատ է հանգստացնում:
Աշխատեք քնել միևնույն ժամանակ: Անգամ հանգստյան օրերին:
Ամբողջովին անջատեք բոլոր լույսերը: Ավելի լավ է քնել լիակատար մթության մեջ:
Ընտրեք ճիշտ երաժշտություն զարթուցիչի համար: Այն չպետք է չափազանց մեղմ լինի, թե չէ չեք զարթնի: Բայց թող նաև շատ բարձր չլինի: Լավ կլինի նաև զարթուցիչը հեռու դնել, որպեսզի ստիպված լինեք վեր կենալ այն անջատելու համար:
Մի բաժակ ջուր: Արթնանալուց հետո լավ կլինի մի քիչ ջուր խմել: Այն կօգնի ձեր օրգանիզմին արթնանալ և դուրս կհանի գիշերվա ընթացքում կուտակված վնասակար նյութերը:
