SHAMSHYAN.com-ի տեղեկություններով՝ հոկտեմբերի 29-ին արտառոց դեպք է տեղի ունեցել Երևանում։ Ժամը 11։45-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Կենտրոնական բաժնում օպերատիվ տեղեկություն է ստացվել, որ Թումանյան 40 հասցեի մոտ թիվ 54 համարի երթուղին սպասարկող ավտոբուսի վարորդը, ով հնարավոր է եղել է ոչ սթափ վիճակում, վիճաբանության մեջ է մտել թիվ 16 համարի երթուղային ավտոբուսի վարորդի հետ և հրել նրան։

Ինչպես հայտնում է ֆոտոլրագրող Գագիկ Շամշյանը, նշված վայր է մեկնել ոստիկանության Կենտրոնական բաժնի հերթապահ խումբը՝ ավագ համայնքային ոստիկանի գլխավորությամբ։

Գ․ Շամշյանի տեղեկություններով՝ ոստիկանության Կենտրոնական բաժնի ծառայողներիի կողմից ձեռնարկված միջոցառումների արդյունքում պարզվել է, որ նշված թիվ 54 համարի ավտոբուսի վարորդը հանդիսանում է Արարատի մարզի բնակիչ 33-ամյա Արամայիս Օ․-ն։

Դեպքի փաստով ոստիկանության Կենտրոնական բաժնում փաստաթղթեր են կազմվել, որոնք փոխանցվել են ՀՀ քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական բաժին։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել