SHAMSHYAN.com-ի տեղեկություններով սեպտեմբերի 30-ին գողության դեպք է տեղի ունեցել «Զվարթնոց» օդանավակայանում։ ՀՀ Ներքին գործերի նախարարության ոստիկանության համայնքային ոստիկանության գլխավոր վարչության «Զվարթնոց» օդանավակայանի բաժին է դիմել Երևանի բնակիչ 47-ամյա Լուսինե Խ․-ն և հայտնել, որ այս տարվա սեպտեմբերի 25-ին ժամը 02։30-ի սահմաններում Ստամբուլ-Երևան չվերթով ժամանել է «Զվարթնոց» օդանավակայան, որտեղ՝ ժամանման սրահում, նկատել է, որ իրեն պատկանող ոսկյա «Ռոլեքս» ֆիրմայի ժամացույցը և զարդ հանդիսացող ականջօղերը իրեն անհայտ պայմաններում և վայրում գողացել են։

Ինչպես հայտնում է ֆոտոլրագրող Գագիկ Շամշյանը, ըստ տուժողի իրեն պատճառվել է մոտ 10 հազար ԱՄՆ դոլարի նյութական վնաս։

Ոստիկանության «Զվարթնոց» օդանավակայանի բաժնի ծառայողների կողմից ձեռնարկվում են միջոցառումներ գողություն կատարած անձի ինքնությունը պարզելու, վերջինիս և գողոնը հայտնաբերելու ուղղությամբ։

Դեպքի փաստով ոստիկանության «Զվարթնոց» օդանավակայանի բաժնում կազմվել են, փաստաթղթեր, որոնք փոխանցվել են ՀՀ Քննչական կոմիտեի Երևան քաղաքի քննչական վարչության «Զվարթնոց» օդանավակայանի քննչական բաժին։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել